وشكثر . أبيك ...

[ماجد الحربي]

لو ما اطربت هالجرح ترنيمة بكاي
ماحست قلوب البشر في كلامي


وماكان شعري ل انسكب كنه الماي
لو ماسقاهم مافقدت احترامي

ادري دموعي تختنق في مراياي
وادري طعونك مثل قسوة نظامي


لي طيشي .. ولي حكمتي.. لي خطاياي
لي اسم غير الناس .. غير الاسامي


صحيح محتاجك وابي شخص وياي
في غربتي .. في وحدتي .. في ظلامي


‏والبارحه مريت وتثاوب الناي
كانت سواليفك مطر كنت سامي

‏ماقلت لي في اول السالفه : جاي ؟!
وماقلت لك في اخر الوعد : ضامي؟!

‏رتبت لك موعد لقا في حناياي
وزينت لك صدرٍ .. انينه عصامي


ذبلت مواعيدك وذابت وصاياي
وللحين كذبة جيتك .. جرح دامي


ليه انتظرتك ؟! تسأل العين .. ش الرأي ؟!
واغص ..واشرغ .. واصرخ بغيض .. نامي


‏وحدي اسولف لي ولا اسمع حكاياي
واتخيل انك جيت واقف امامي


عمرين اصب الدمع في كاسة الشاي
واشرب غيابك لين تثمل عظامي


شقول للغرفه ؟ ش جاوب هداياي ؟!
شقول ؟!! وشموعي طفت !! كيف احامي ؟!


هذا الشتا .. وش قصته في خلاياي ؟؟!
ياما توسلت المسا ..... كون حامي


ابيك تلمس لهفتي في شفاياي
وشلون ماحسيت حرقة سلامي ؟!

كتبت لك كل الحكايه مع اشياي
‏وضاعت رسايل ه المسا مع حمامي


‏كتبت لك يابعد ليلي ومغناي
‏{ شكثر ابيك .. ومايهمك غرامي }


وانك سبب حزني وترنيمة بكاي
واني بسبب جرحي كسبت احترامي

[ابتسام الشموخ]

المتألق ماجد الحربي...

أتشرف أيها الراقي أن أكون أول الحاضرين
جميل هو هذا الدفء ينبعث فيمابين سطورك
تقبل مروري المتواضع بحرفك الراقي

دمت بألف خير

ابتسام الشموخ(فتاة الرمال)

[شجون الليل]

http://www.3rbpic.com/Designer/vb/vb_(154).gif

[العنودالشمريه]

انتقاء جميل جدا
تسلم يمينك
كن بخير

[مهرة أصيلة]

اختيار رائع يا ماجد
شكرا لك

[محمد ال مهيد]

نقل رااائع تسلم يمينك

محمد

[النوبانـــي]

يعطيك العافية أخي ماجد

صح لسانك

تقبل مروري
وانغام هذا اللحن الشجي

لكَ كل الودّ والتقدير

[ناصر السهلي]

القدير ماجد الحربي




اختيار موفق ورائع








يعطيك الف عافية

[مها يوسف]

يعطيك العافية اخي العزيز ماجد الحربي
اختيار جميل وموفق
الف شكر

[ذكرى الغالي]

سلمت يداااكـ
تقديري واحترامي
ذكرى الغالي

[حنين علي]

ماجد الحربي شكرا لك على اختيارك ويعطيك العافية تحيتي لك

[البحر الحزين]

الصديق ماجد الحربي أختيار رائع جزيل الشكر لك

[عبق المشاعر]

رائعه بل اكثر يسلمووو