سيف الأحلام.؟!!

[عبدالله العتيبي]

بعض الوجع يأخذ له ايام ويروح.؟!!
وبعض الوجع ماراح له مدة اعوام
|"|
فيني مساحات الوله ضلع وسفوح
وديان في روحي من الوجد وإلهام
|"|
في غربتي ما شفت لدروبي وضوح
ولا لاح في عيني عن الدرب مرسام
|"|
راحل وانا مهموم والقلب مجروح.؟!!
والنفس فيها من عناء الواقع إسهام
|"|
من يشتكي جور الزمن صار مسموح
وانا شكيت من الزمن كل الايام.؟!!
|"|
آهات في صدري من الروح للروح
اجرها بين الحقيقة والأوهام.؟!!
|"|
صابر وانا من سيف الأحلام مذبوح
والوقت يجري والعمر مثل الأحلام
|"|
نصفي ذهول ونصفي الآخر جروح
ولاعاد باقي عين ترتاح وتنام.؟!!
|"|
ادور في محض الصُدف وانعي البوح
واكتب شعوري آه وشعوري أيتام.؟!!
|"|
فيني صخب هاجس هدم فيني صروح
عمرتها طوبة شقاء وطوبة آلآم.؟!!
|"|
ولا نفع ضوء القمر مركبي لوح
وخلفي بحر والموج لارحت قدام
|"|
يعني كذا بالمختصر ( مدرسة نوح )
وضلوعي الطلاب والكتب الأيام.؟!!

[علي الهيثمي]

صح لسانك يالغالي

قصيدة في قمة الروعة

شكرا وبارك الله فيك

[محمد ال مهيد]

الله الله عليك ياعبدالله��������

ابدعت وامتعت واقنعت

محمد

[العنودالشمريه]

اهلًا بك حياك الله

جمال في جمال

ماشاءالله

سرني تواجدي

صح قلبك وكلك

كن بخير

[خالد بن علي]

نص جميل
امتزج بعق الفكرة
وسهولة المعنى
سهل ممتنع
صح بوحك

[محمدخير المهيدات]

صح السانك اخوي عبدالله ولا هنت

المهيدات

[عيد الوطن]

صح السانك ودمت بخير

[الملكية]

هنا الجَمال والروعة صح عليك ي مبدع

يعطيك آلعآفيـه يَ رب
تحياتي العطرة