البشر أصناف

[عبدالله الصقري]

ولّ ياقلب ياللي من المحبّــه عنيت
ما تكفّ و تتوب من الغلا و الشجون

كيف ماتعتبر من دربك اللي سريت
في زمان ٍ بعد زان وصفى لك يخون

الوفا كلمه وتاخذ من الشعـــر بيت
جرحها ما عرفه اللي كتبها بـ هون

ضاع عمري ادوّر حاصله وش جنيت
راس مالي لقيته تذكره للجنـــــون

كم صدوق ٍ ليا مال الدهر وارتكيت
يبذل الروح لو حلّت بقلبه طعـــون

وكم صديق ٍ بوقت الضيق جاني وعطيت
يوم جار الزمن ما عاد عندي يجون

ليه يومي على حدّ الصراط اهتديت
راغت خطاي وماعندي ذنوب و ديون

وليه يومي جحيم ظروف غيري طفيت
أحترق مالي من الألف واحد حنون

ليه ساعة وفيت بوقفتي ما نجيت
مات حلمي و تذكاره بقى بالعيون

يالشعر يا أعزّ رفاقي اللي بقيت
خلنا دونهم نلهى بـحزن اللحون

أحسب انّي لهم فيما مضى لي وقيت
أثرهم بـاظلم الغبّات لي يحفرون

لو عرفت البشر أصناف لامابكيت
والزمن للذي مثلي غشيم ٍ يمون

[محمد ال مهيد]

انت مبدع ومميز يااعبدالله

دائما تاتي بالدر الثمين

رااق لي مااوجدته هنا

صح لساانك بحق ابدعت

محمد

[الشاعر ماجد بن رتيق]

مبدع و جزل و مميز
صح لسانك و علا شأنك
حماك الله
و رعاك
و أبقاك







لا خلا ولا عدم

[العنودالشمريه]

أصفق لك بحراره

رائعه وأكثر

ماشاءالله

صح لسانك مليار ولايكفون
وتسلم يمينك ولاهانت يسارك
دمت بخير لاينتهي

[عبدالله الصقري]

سلمتم و دمتم
وأسعدالله صباحكم بالخير و المسرّات
لكم ودّي و تقديري و احترامي