مطول الغيبة‎

[فهد البدر]

الغايب اللي علينا طوّل المدّه
له اربع شهور لا كلّم ولا سلّم

وانا من الشوق قلبي واصلٍ حده
فيني صبابة غرام ٍ في الحشى علّم

ابو جديل اشقر ٍ يصفق على خده
من معهد الزين متخرج و متعلّم

اهيف خصر لا نطحني والهوا ضده
كن الخصر من هبوب النود متثلّم

اتلع دلع يا حلا مزحه على جده
كلّه تعابير لو ماهوب متكلّم

ما هوب حقي يجازيني بهالصدّه
وانا على شوفته جاهز و متولّم

الحظ عارض على ودي معا ودّه
وانا مع الحظ متشاكي و متظلّم

عاشق و عيا يبيح للعرب سدّه
وما زال في عالم العشاق متحلّم

فهد البدر

[نايف المقاطي النايف]

صح لسانك
ابداع

[محمد ال مهيد]

الغالي فهد البدر

صح لساانك دائما لاتاتي الا بكل ماهو مميز

صح فكرك وقلبك

محمد

[العنودالشمريه]

الله على هذا الجمال

شعر قريب من الروح

صح لسانك وكلك

دمت بخير لاينتهي

[ذكرى الغالي]

قصيدة جميلة
سلمت يداك من كل سوء