الصمت

[مساعد الحارثي]

https://pbs.twimg.com/media/Czy019jWEAAdelY.jpg:large

الصمت أفضل عند كثر الكلامي
والمعدن الأصلي ولاشي يفله

من عز نفسه ما يجي فالملامي
ومن ذل نفسه يستحق المذله

مكثر هروج الناس والجرح دامي
واحد يحط الهرج وآخر يشله

الذم ما ينزل مقام ... الكرامي
والمدح مايرفع أحد من محله

والصدق فوق الصدر مثل الوسامي
والكذب مهما كان للقلب عله

ولسان ابن آدم شبيه الحسامي
مسكين حال اللي على الناس سله

والليل مهما طال فيه الظلامي
يشرق عليه الصبح ويزول كله

والشمس لو غيم عليها الغيامي
ما تختفي والضوء كلن يدله

واللي يريد القدر والاحترامي
يصدق مع نفسه ولا حد يمله

وازكى تحياتي وأفضل سلامي
على الرسول المصطفى في محله


مساعد ابن هادي الحارثي
4/12/2016م

[محمدخير المهيدات]

صح السانك اخوي ابو هاجر ولا هنت
جزله من راس جزل يالغالي

احترامي وتقديري

المهيدات

[محمد ال مهيد]

ارحب ارحب يامستااعد

منور طال عمرك

حضوورك داائما يسعدني

سجل اعجابي

محمد

[ذكرى الغالي]

صح لسانك مليون
احترامي

[العنودالشمريه]

ثريه بالجمال

سعيده لتواجدي

صح لسانك مليار على مليار

ولايكفون

وتسلم يمينك

دمت بخير لاينتهي