|
،؛، شــــطـــر حفـــــظتــــــه ،؛، محمد بن فطيس
،؛، شــــطـــر حفـــــظتــــــه ،؛،
ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به الشعر جمعنا لو تفرقنا .. .. حدودنا وظروفنا الغلابة الله يبيض وجه راعي الفكرة .. .. عز الله انها تنحسب لحسابه والله يبيض وجه من يرعاها .. .. محمد الله يحفظه لأحبابه محمد ولد زايد عريب المجنى .. .. ولي عهد الديرة الخلابة الشعر تاريخ لنا من مبطي .. .. وإعلامنا يوم السنين نهابه الشعر بيت والوزن عمدانه .. .. معناه طنب وقافيته حجابه الشعر وادٍ فيه صيد واجد .. .. وكلٍ على الوادي يهج ركابه والأفكار صيد وكل شاعر قانص .. .. وكلٍ يدسم شاربه مخلابه أحد خياله حر .. وأحد وكري .. .. وأحدٍ خياله كوبجٍ بقطابه وأنا خيالي كل ما هديته .. .. حول على الوادي وصاد عقابه شاركت أمثل ديرتي وربوعي .. .. وكل يمثل ديرته وأقرابه والله إلى الله راد والله قاله .. .. إني لا أسلمها الفخر وكتابه داري قطر .. وأنا هنا أمثلها .. .. المجد مطلوبي وأنا طلابه عهدٍ علي إني لا أشرف داري .. .. ترك صبي ما يعز ترابه شوفوا دمي من حبها عنابي .. .. وحماستي من ضوها شبابه شاعر خليجي والعروبة بيتي .. .. والبيت ما ياقف بدون أطنابه وإن عودت بين القبايل فزعه .. .. أنا أشهد إني في اللوازم لابه لي في القبايل ربع .. وأقدرهم .. .. ماني بمن يجهل مقام أصحابه وإن عودت لأصلي .. فأنا أصلي مري .. .. من صلب يام أهد القنا وخضابه قومٍ لنا فوق المعالي بيرق .. .. والسيف قوة سلته بنصابه الشعر طوقني وأنا طوقته .. .. قمت آتمشى به وأفك أبوابه يا بنت ياللي تفرقين بعودج .. .. ما ألومهم لو كثروا الخطابه لامر بج دربج على خلق الله .. .. قالوا كذا بالأصبع السبابه زينج يزينه فعل أبيج وجدج .. .. وإنتي بدورج للنقى كسابه قومي تباهي بي .. وفلي راسج .. .. عليج من ستر الشرف جلبابه وإن ما سترتج بالفعول وباسمي .. .. فعقبني الفنجال يا صبابه |
القديرة/ مها يوسف
تشرفت بأن اكون اول المعانقين دائما مبدعه وليس غريب عليك سلمت يمناك وسلم احساسك كنت هنا ومضيت |
والله يبيض وجهك
على النقل الرائع صح قلبك ولسان شاعرها محمد تقديرى واحترامى |
تروق لي بشده هذه القصيده
رائعه اينما حللتِ صح لسانه وتسلم يمينك من الشر دمت بخير لاينتهي |
تسلم الأيادى غاليتى
|
رائعة على هالنقل الجميل
راق لنا ماراق لك ياغاليه سلمت يمينك وسلمت |
اقتباس:
شاعرنا العزيز ناضر السهلي الطيب الحضور والعطر في كل مرور دمت بخير يا عزيزي مشكرو |
اقتباس:
الأخ العزيز العزب شكرا لك على الحضور وعطر المرور دام تواجدك الدائم دمت بخير يا غالي مشكور |
اقتباس:
الأخت العزيزة العنود الشمرية شكرا لك على الحضور وعطر المرور دام تواجدك الدائم دمت بخير يا غالية مشكورة |
اقتباس:
الأخت العزيزة الذاهبة شكرا لك على الحضور وعطر المرور دمت بخير مشكورة |
| الساعة الآن 12:33 PM. |