منتديات مشاعرهم الادبية - ما لي حيله غير أحبك


	ما لي حيلهْ ..غير أحبِّكْ ..!! ما لـي حيلهْ غير أحبِّكْ واعشقِكْ واعشقْ هـواكِ ما لي حيلهْ غير أضمِّكْ واحضنِكْ واتبعْ خطــاكِ ما لي حيلهْ غيـــر أحبكْ واعشق الزهر بْرباكِ ما لي حيلهْ غير أعانق بسمتك والثـــمْ لمـاكِ ** ما لي حيلهْ غير احبِّكْ واستمعْ دقات قلبِـــكْ ياللي حبِّكْ في جناني تحتضن الاجفان رسمِــكْ والدُّرر دمعات عينِكْ والعسلْ رشفات لثمِـــكْ والورد لونه بلونِكْ والشذى الفواحْ منِّــــكْ كلِّ رشِّةْ عطر عطرِكْ كلِّ موجة نــور نورِكْ كلِّ قطرة طَلْ طلِّكْ يالسروري من ســرورِكْ كلِّ نفحةْ فل فُلِّكْ ياللي عطري من زهــورِكْ كلِّ زِينِ الكون زينِكْ لا تِعَذْبيني بْغـــرورِكْ وِدِّي احضنِك في عيوني ياللي دمِّكْ في وريدي روحي روحِكْ يا حياتي قلبي بايدِكْ مو بإيـدي الوَصِلْ غاية مرادي يومْ وصلِكْ يومْ عيــدي تسلمي يا وحي شعري إنتي يا بوحي وقصيدي الوردْ يعشَقْ جمالِكْ أعطى لونَ الورد خَـدِّكْ والحلا كلُّه بْقوامِكْ ياللي غصن البان قــدِّكْ جنة الرضوان قربِكْ لكن النيران بُعــــدِكْ لا تغيبي عن عيوني ما هقيت أعيش بَعــدِكْ يا سَعَادَةْ قَلْبْ عَاشِقْ إنتي دنياي وحياتــي يا شتائي ويا ربيعي إنتي أغلـى ذكرياتــي هايمٍ والوجد يحرقْ إنتي أشواقـي وآهاتـي يا هنا قلبي بْعَذَابَـهْ إنتي أعْذَبْ أمنياتـــي العيونِ عْيون بَكْـرَهْ يا عْنيقِ الرِيمْ عِنقِــكْ طَلْعَتِكْ طَلْعَهْ بَهِيَّهْ يا شبيهَ البَدْرِ رَسمِـــكْ يِطْرِبِ الأطيار صُوتِكْ يا نَغَمْ داوود نَغْمِــكْ ضِحْكِتِكْ شَلاَّلْ كَوْثَر يابتسامِ الحورِ بَسْمِــكْ والله احبِّـــكْ ثُمَّ احبِّكْ بَسْ أحبِّكْ ما تِكَفِّي لو بقول مليـونَ أحبِّكْ يالغَلا ماظِنْ تِوفِّــي أبقى طول عمري أحبِّكْ مهما بقليبي تِشفِّـي اليوم احبِّكْ وبُكْرَه احبِّكْ مِنْ غَرامِكْ ما تِعفِّي الحَريـــرِ اللِّـي يِهَفْهِفْ عالمتونِ مْدَلَّلَهْ بسمتِكْ ْبسمة ملاكٍ حيَّرتْ عقلي بْـدَلَــهْ همستِكْ موجة محبه عمَّدتْ روحي بْوَلّـهْ نظرتِكْ سهمٍ تصوَّبْ صُوبْ قلبي وقْتّلّــهْ يالغَلا قلبي رهيِّف إرحمي القلـبِ الصَّريعْ واحفظي ودَّه بأمانه يبقى لِكْ عَبْدٍ مُطيــعْ يالغَلا قلبي أسيرِكْ ما لُهْ عندِكْ مِنْ شفيـعْ إلاَّ حبِّكْ وَحْدُه حبِّكْ ثابتٍ راسـِخْ مِنِيــعْ كلِّ لَحْظَـهْ مِنْ حَيَاتِي لِكْ بَهَا أحْلَى حِكَايَـهْ كلِّ خَفْقَهْ بِينْ ضُلُوعِي لِكْ بَهَا أجْمَلْ رِوَايَـهْ كلِّ دَمْعَهْ مِنْ دُموعِي لِكْ بَهَا نُورِ وْهِدَايَـهْ كلِّ نَظْرَهْ مْن عيوني لْك بَهَا حِرْزِ وْحِمَايَـهْ كلِّ خَفْقَهْ مْن خفوقي يا خفوقي تْقولَ احبِّـكْ كلِّ نَبْضَهْ في فؤادي يا فؤادي تْقولَ احبِّـكْ كل ضخه في عروقي من دمائي تْقولَ احبِّكْ كلِّ شَهْقَهْ مِنْ لَهِيبي يا منايَ تْقولَ احبِّــكْ مَا لِي حِيلَهْ غير احبِّكْ واكتوي بْنَارِ العَذابْ الهَنَا جَنَّاتْ قربِكْ فيهـــا مَا لـذَّ وطَابْ لِكْ مَحَبَّهْ زُودْ بِقلْبي شِيكْ مَفتوح الحِسَابْ يا حبيبـي لا تلــوِّعْ خَافقي يكفي غيابْ مَا لِي حِيلَهْ غير احبِّكْ واعْشَقِ الجُرْحِ بْوجُودِكْ يَالغَلا يَكفي عَذابي يالغلا يكفـي صُـــدودِكْ الهوى ما لُهْ حدودٍ حدِّي مَمْزوجِ بْحُـــدودِكْ عهدي في قلبي حَفظتَهْ بَسْ تُوفِي لِي بْعُهـودِكْ مَا لِي حِيلَهْ غير احبِّكْ واسْتَظِلْ وَارِفْ ظـِـلالِكْ ياللي تَحْنَانِكْ غَمَرْنِي وعذَّبِتْنِي في دَلالـِـــكْ قلبي مأسور ٍ بِصَدْرِكْ والعُمُرْ كلُّهْ فِدَا لِــــكْ إعْمَلِي بْقَلبي العَجَايب والمنى سَاعةْ وِصَـــالِكْ مَا لِي حِيلَهْ يَالْمِدَلَّلْ عَنْ غَرامِك ما لِـي حِيلَــهْ الهَوى عَارِفْ طَرِيقَه والوَفَـا عَارِفْ سَبِيـــلَهْ والعَذابِ الِّلي لَقيته مِنْ غَرَامِكْ ما نِشِيـــــلَهْ والخفوقِ الِّلي بْصَدرِكْ هُو خَفوقِي اشتكــي لَهْ يا شِرُودٍ كالمَهَـا يالِّلي دِلِّـكْ دِلْ غَزَالَــــهْ يالِّلي حسْنِكْ زاد وَجْدِي سَاحِرِ الْقَلْـبِ بْجَمَالَـهْ يالِّلي ثَغْرِكْ كَاسْ شَهْدٍ شَاربٍ حتـى الثمالــهْ العشق غابـــة مَحَبّْه دُومْ نِتْفَيا بْظِلالَـــهْ مَا لي حِيلَهْ يالمِزيَّن غيرَ احـــبِّكْ واستريــحْ يالِّلي شَهْدِ النَّحل ريقِكْ واحْلَى مِنْ حَلْـوَى الكَسِيحْ في هَواكِ الروح تاهْت وقلبي مِنْ حبِّكْ ذَبِيـــحْ لا تِعَذِّبْنِي ياحُبِّـــي بْحَقْ أحْمَدْ والمِسيـــحْ مَا لِي حِيلَهْ غير أحبِّكْ واروي روحِــي بالمَحبَّهْ العشقْ ما هو جَريمَـهْ وْلا شتيمــهْ وْلا مسبّهْ الهوى مَكْنُوزْ قلبي يالغَلا مِنْ غيــــر حِسْبَهْ يا سهمْ لحظِكْ رماني صايبٍ والعينْ جَعْبَـــهْ يا عشيقٍ يا ربيع العُمْــرِ يَا صيفٍ صَفَـــا يا وليفٍ يا غِـــذاءَ الروحْ يا بَردِ وْدَفَـــا يا طبيبٍ يا رحيقَ الزهرْ يا شهــدٍ شَفَـــا يا حبيبٍ مَا لِي حِيلَهْ غير احبِّكْ يالوَفَـــــا يا غرامي قلبِكْ العَشَّاقْ مستودع غرامـــي يا هِيامي وجدِيَ الحرَّاقْ برهـان لْهيامـــي من عيونِكْ يا سِهَــامٍ تنطلق تلوَ السِهَــامِ استقرَّتْ في فؤادي يالمَهَــا والقلب دامــي قلبي يالغالي طَــروبٍ طايرٍ عَشَّاق سِرْبــهْ قلبي يالغالي معنَّى مْسافرٍ ما ضَــلْ دربَــهْ بعد رحلةْ شوقْ طالتْ يستظلْ بظـلْ حِبَّـــهْ عاشقٍ يلقى عشيقهْ يبقى طول العمر جَنْبَــهْ ريقِكْ الفتَّانْ عَــذْبٍ مثـل عينٍ سلسبيــلْ عِطْرِكْ الفوَّاحْ يسحـر قَطْ ما لُهْ مِنْ مثيــلْ عن غرامِكْ عن هِيامِكْ يالغَلا ما لي بَدِيــلْ مَا لِي حِيلهَ غير أحبِّكْ يبقى لِي حُبِّكْ دَلِيـــلْ مَعْ أذَانِ الفَجْر مَعْ نَسِيم الصبح أبعث لِكْ سلامي النجومِ السايرهْ والطيورِ الطايرهْ تحملْ كلامـي يا قداسة عهدنا يا عذوبة حبِّنا والقلبْ ظامــي وَا ضلوعٍ تشتعلْ وَاخفوقٍ يرتعشْ والدَّمعْ هامي إنْ غدر فِينـي زماني يالغلا حُبِّـــكْ كفايـهْ إنْ صَارَتْ الأيامْ ظَلْمَـــا يالغلا نـورِكْ هِدَايَهْ أو غشتني هموم جمَّه يالغلا سَعْدِكْ هَنايَـــهْ اسمعي قصة هوانا يالغلا هذي الروايــــهْ ** ... محمود فالح مهيدات/ أبوكارم ...