من لاقدح من مخة الرأس شاره=لاتنخطب بنته ولاتوخـذ اريـاه
ومن لارفت يمناه زلـة يسـاره=تصبح يمينه قدرها مثل يسراه !
ومن لانفع ماضرّ في كل غـاره=ومن لاهدم مالـه بيـوتً مبنـاه
ومن لاعرف مقدار نفسه وكاره=سحم السباع اللي تقانب تعشـاه
من لا بنا ساس المسلح عمـاره=يصبح شماته للنفـوس المـراواه
يقول من ذاق الحـلا والمـراره=تجـارب الدنيـا كتبهـا بيمنـاه
أخذت من بعض التجاره عبـاره=ياجاهل الايام بوصيـك بوصـاه
إليا نزلت السـوق دور خيـاره=يابعد فرق الزين والشين بعـداه
واحفض لسانك زين وقت الزياره=من طاع نفسه باع دينـه بدنيـاه
وانااعرف ان الحر تكفيه إشاره=والعلم مافـاد القلـوب الموطـاه
والطيب ماهو من بنوك التجـاره=الطيب طيب بساعة الضيق نلقاه
وليا بغيت القاف ماخذت إعـاره=ياللي ترد اول كلامك علا اتـلاه
ارفع مقام الشعروبنـي جـداره=ولاهوب متعبني اليا صعب معناه
ياللي تقول الوعل اسدّ المغـاره=وتلبّس السرحان شعرمن الشـاه
عباد وجـه ولا بكبـدك مـراره=كيف البشر يعبد بشر كنه إياه
من كيد نفسه معمي الله بصـاره=ولايلعن الله غير قوم المضاهـاه

الشاعر المرحوم عاضه المرزوقي البقمي رحمه الله
ساعد في نشر والارتقاء بنا عبر مشاركة رأيك في الفيس بوك

طرح رااااااااااااائع ومميز

الله يعطيك العافيه

قصيده بمنتهى الروعه
احتوت على كنز من النصائح
ليعيش الشخص بشموخ وعزه
سلمت على النقل المميز
لقلبك طوق الياسمين
دمت بخير

لله درك ثم لله درك
ورب البيت انك اخترت ماتحمل الحكمه
رحمه الله

تقديرى

حضور مورق ياجليل
أحسنت الإختيار

شكراً تتدفق عرفاناً

الرائع دوماً محمد

لا هنت على عذب الاختيار

كل الورد

صــــــــــــــــــــادق الود

من مدرسه الحياه ,,,

شكرا على انتقائك الراقي كسموك

مودتي
مشاعر هيمو

ابيات حوت الحكمه وعلوم الرجال
انتقاء مميز لشخص غالي ومميز