ألا ياليت ربي يوم سوى ..عبيده حط للطيّب علامه
....................

لقيت الناس ما منهـم سلامـه
لـزوم يلحقـك منهـم ملامـه
ولا تحسب حلالـك لـو تبيـده
يبي يحماك عن هرج الفدامـه
بذرت الجود فيمـن لا جزانـي
سـوى ذم إلا هبـت ولامــه
حقود القلـب نقـال الوشايـا
هذور سهمتـه نقـل النمامـه
إلا منه طرى له ما طرى لـه
تكلم مـا يثمـن وش كلامـه
يقوله يزعم إنـه مـازح بـه
وهو ينقض ويفتل في عدامـه
دخيل الله من خطـو السملـق
إلا بالهيـذوان أطلـق لجامـه
ألا ليـت ربـي يـوم سـوى
عبيـده حـط للطيـب علامـه
على شان الذي بالناس جاهـل
يعرف الحر من برق الجهامـه
لجل بالنـاس شيطـان ملبـد
ولو لوى على راسـه عمامـه
يغـرك بالسـلام وبالتحـفـي
وهو شيح وجثجـاث طمامـه
مثل هـذا تحـذر منـه جـدا
ولا تدني منامـك مـن منامـه
وبعض الناس في ممشاه رابض
يختل الناس في قـل إهتمامـه
وبعض الناس يبدي لك نصيحه
ولكن ما تعرفـه وش مرامـه
وهو ما مقصده نصـح ولكـن
يبي يلبسـك للحاجـه خطامـه
وإلا منه قضى بك مـا يريـده
أخذ سـده وضربـك المهامـه
وبعض الناس يوري لك محبـه
وأرق من البريسم في تمامـه
إلا قـام يتمسكـن بالتلـفـظ
تقول أطهر وأصح من الحمامه
وبعض الناس محمود السجايـا
رقى العليا بعزمـه والتزامـه
إلا منه بـدى لـك فيـه لازم
قضى لازمك ما ثمـن حطامـه
كمنه وافي فـي كـل خصلـه
عريب الجد خاله مـن عمامـه
اسـال الله يرفـع كـا خـيـر
عن الخذلان لا يهفـي مقامـه
قضى نظمي وما لاق بضميري
حلات القيـل مبداتـه ختامـه
أقول الناس مشكاهم علـى الله
لـزوم يلحقـك منهـم ملامـه

للشاعر ابراهيم بن زيد المزّيد رحمه الله

ساعد في نشر والارتقاء بنا عبر مشاركة رأيك في الفيس بوك

ابيات في غاية الروعة والجمال

صح ذوقك غاليتي وصح لسان شاعرها اينما كان

انتقاء رائع
تسلم يمينك
كوني بخير

ورودي لمروركم

سلمت الانامل دمتي بخير وبركة من الرحمن

سلمت يدآك من كل سوء لك من الأعماق إمتناناً جم ومن التقدير ماللحرف يلجم ذكرى الغالي

ورودي لمروركم

اختيار موفق جوهرتنا الغاليه

لاعدمناك ياالحبيبة

تحيتي واحترامي ؛؛