ما ابغاك تزهمنـي ولانـــي مناديــــك
,,,,,,,,,,,, ولا ابغاك ترجعلي لو الجرح نــاداك




اللي ذبحته عقب ما كـــان شاريـــــك
,,,,,,,,,,,, خلاص باعك وارخص اليوم مشراك


ماني من اللي لا طمع فيك يرجيــــك
,,,,,,,,,,, ولو كان جـرحه من سبايبـــك فتـــاك


أعز نفسي واتركـك فـــي مساعيــــك
,,,,,,,,,,,, وتاخذني العزه على وسـق رجــــواك


لا واخســـارة حب قلبــا" يداريــــــك
,,,,,,,,,,,, جازيت وصله بالجفا يومـه اعطـــاك


أعطاك فرحــه يــوم حزنــك يبكيـــك
,,,,,,,,,,,, وفي خنجر الحاسد طعنتـــه بيمنــــاك


ياما قطفت من البساتيــــن واعطيـــك
,,,,,,,,,,,, واغيض غيرك لجل عينك ولرضاك


هذي جزات اللي رمى الورد بيديـــك
,,,,,,,,,,,, ورفع من دروبك غصانين واشــــواك


نسيت دمعك والحزن كــــان طاويـــك
,,,,,,,,,,,, ايدين تمســح دمـع عينـــك وترعـــاك


نسيـت حضنــاً لــم حزنــك يواسيــــك
,,,,,,,,,,,, ولا شان وقتك من قسى البرد غطـاك


ياناكر العشــره حشا اليــوم ما بيــــك
,,,,,,,,,,,, خلك مع اللي ضاحكاً فيك واغــراك


دربـك طــويـل .. نهايتـه للـمهاليـــك
,,,,,,,,,,,, ولا ينفعــك عــاذل رسملك وأغـواك


النفـس طــابت مالنا خاطـــراً فيـــك
,,,,,,,,,,,, قلبي شرا مـن بالمخالـيـــق يســـواك


وان كان تحسبني على كيفك ارضيك
,,,,,,,,,,,, لا والله الا .. طــال ليلك وممشــــاك


شوف الثريا بعــدها عــن مواطيــك
,,,,,,,,,,,, انا الثـــريا وانت بالارض مشهـــاك


وانا كان تحسبني مع الوقت باجيـك
,,,,,,,,,,,, اقص رجلي لو نوت تتبــع خطــاك


ولابد يالخاين مع الوقــت يرميــــك
,,,,,,,,,,,, من كنت لجله بعـــت قلبـاً تمنــــاك

وتعود لي تشكـي جــروح كاويـــك
,,,,,,,,,,,, وتبكي ندم واسفه رجاويك وانساك

مما راق لي
ساعد في نشر والارتقاء بنا عبر مشاركة رأيك في الفيس بوك

انتقاء ولاأروع
صح لسانك مليون
وتسلم يمينك من الشر
دمت متالق
دمت بخير لاينتهي

الاخ العزيز الغالي عقاب النهار
ذوق رائع واختيار جميل وموفق
شكرا لك يا عزيزي دام مجهودك الف شكر
مشكور

الشاعر الرائع / عقاب النهار .......
ماراق لك راق لنا
ذائقة رائعة وقصيده صح لسان راعيها
وسلمت يمينك على النقل
لروحك جنائن الجاردينيا
...
...
ايمااان

عنود
الروعته مرورك
تقديرى لك واحترامى

القدير/ عقاب النهار .......
رائعة من رائع
سلمت على هذا الانتقاء
كنت هنا ومضيت

ذائقه دوم مميزه
تسلم الايادى