السلام عليكم ورحمة الله وبركاته اخواني الكرام
واليكم مقطوعه من الارشيف معا صادق الود

مشتاق لك شوق ليتك مثل تشتاقه=بحجم شوقي في المقياس والدقه
شوق المتيم وصوت الشوق بعماقه=ما هام مثله ولا عاشق عشق عشقه
في كل فينه وأخرى يقلب اوراقه=يخشى عليها عيون الناس والسرقه
كم يا ملف طاب لي بالهامش ارفاقه=عاملت الاوراق بالارشيف في رفقه
واللي مكدس حقيقة قمت باحراق=من اجل عينيك نعطي كل شي حقه
اغرقني الشوق وانا حاول اغراقه=دائم يغابا وهو معروف في حذقه
من شدة الشوق جسمي صابه ارهاقه=مشتاق وانا معك في الدار والشقه
نجوب بحر الهواء والشوق بسواقه=وحبل شوقي وشوقك ينقطع عرقه
بايطرحك ذي تشوق لك في احداقه=والشهد من مبسمك طب العلل دفقه
يا شمس قلبي ونور الصبح واشراقه=يا موسم الخير ذي شق الأفق برقه
قلبي على العهد ما بيخون ميثاقه=انت الامل وانت من بين البشر رزقه
يا بندقي ساعدي رزحه ومعلاقه=باضل وايك عبر المعترك رفقه
شعري مشاعر وجوهر شعري اخلاقه=ما هو قسى لو خلي من شعري الرقه
عانقت روحك عناق السُحب براقه=يا باب مغلق يشرف بو أرم طرقه
بستان ياما تشوق روعة اطباقه=نطقني الشوق ذي ما جاز لي نطقه
ذكره دواء قلبي الهائم وترياقه=لما متى بايكون الصد والفرُقه
لما متى يلزم العاشق تحراقه=قلبي في الغرب وانا بأت في شرقه
هل شي امل بايخطى قلبي انفاقه=يسر بها يا ميسر ضاقة الحلقه
ما فادني بُكرة الغالي وشراقه=بالحق ماكان باطل دائمن دحقه