شيلة : مصدر الهامي
كلمات : سالم مقبول الشراري
لحن وأداء صوت نجران : راشد آل سالم اليامي




،،، ،،، ،،،

انا كل ماقـد قلـت هانت .. تزيـد الكــيل
.................... تضـك الليـالي بالعـنا .. صـدر الأيامي
ولي صـاحبٍ .. فرقـاه ليّـه تهـد الحيـل
.................... تـقـفـّـت مقـاديـره .. وبالوصـل مادامي
وانا اللي عقب فرقاه ماذقت غير الويل
.................... هواجيس ليلـي .. تنفرد بي وبهيـامي
أحس الوجود .. بدون شوفه توالي ليل
.................... على اللي لابان الصبح في عينه يلامي
وحظٍ قطـعني منه .. بالوقـت جاه الميـل
.................... تمرحبت له .. واقفيت انا اعظ ببهـامي
عليه الخفـوق يفـوق .. في حبه التـأويل
.................... وعليه الله أكبر .. كل ماجـيت له ظـامي
وانا بالسهر من شان عينه عشقت الليل
.................... وماقلت لعيـوني .. عن مْسَــاهَـرَهْ نامي
وقلبي وحبه .. لو فنى جيـل واقبل جيل
.................... ابصـدر المولع وضعهم .. توأم سيـامي
لأنه بعيـني .. قبل قلـبي .. كما القنـديل
.................... ولأنه برغم البعـد هو .. مصـدر الهامي
،،،

ساعد في نشر والارتقاء بنا عبر مشاركة رأيك في الفيس بوك

اقتباس