الصاحب اللي في خيالي مصوّر **لا غاب عن عيني بقا منه صوره

حبه مع الايام زاد وتطوّر **باقصى الضماير قام يبني قصوره

غلاه بعروقي مع الدم فوّر** وشوقه بقلبي زاد حالي خطوره

اللي بطوق الحسن كنه مسوّر** ياقوتةٍ بالزين جات مغموره

راع العيون اللي طرفها محوّر **كن المنايا في هدبها محصوره

وجهه كما بدر الدجا يوم نوّر** وابعد ظلام الليل من قو نوره

زودٍ على سحر المفاتن تصوّر** متواضعه جدا ماهي بمغروره

وشلون اصور شي ما ينتصوّر **مادام فيه الوصف يبدي قصوره

مالوم قلبي بالهوى لو تهوّر** خله يغوص الحب لإقصى بحوره

حبٍ على وضح النقا ما يزوّر **علاقته بوضوح ماهي محظوره


الشاعر عبدالله المرشدي
ساعد في نشر والارتقاء بنا عبر مشاركة رأيك في الفيس بوك

صح لسان الشاعر وسلمت يمان الناقل

همس النسيم

اختيارك ذووووووووووق يدل على جمال روحك وروعة ذائقتك


احساس جميل


ودي وتقديري