الأماني طير .. والحظ الغصن .. والأمل روح من نسمة عبير .. وأنا مثل وردة مطر .. محتاجه لإحساس الربيع .. وفراشات الصبح البديع .. أحتاج يشرقني الفرح بعد الغروب .. وأبتسم .. وأبتسم .. وأبتسم .. يمه أحتاجك أبيك .. يمه ضميني إليك .. يمه شوفي حزني واضح .. أكشفت ستره الملامح .. ضعفي .. همي .. دمعي في وجه المرايا .. شوفي جروحي عرايا .. وين أودي وجهي الذابل بعيني .. كيف أرجع كبريائي من سنيني .. وين أروح .. قولي يايمه .. آآآه من حالي وهمه .. كل ليلة ألبس ثياب الحداد .. وأنثر أحلامي رماد .. أغزل الآمال كذبة .. وأفترش دمع السهاد .. يمه مالي غيرك إنتي .. إجمعيني من شتاتي .. قعديني من سباتي .. رتبيني من جديد .. طفلتك تحتاج لك .. أدري بإحساسك عرفتي .. يمه جيتك .. إنضميلي من حنانك .. عقد صبري في حياتي .. قربيني من بلادك .. وسكنيني في أمانك .. إستري دمعي بعطفك .. جرحي المفتوق جالك .. إحضنيني .. إحضنيني .. إحضنيني .. ولبسيني من على جيدك حراير .. إجدلي حزني ظفاير .. وزيني خصلات شعري .. من ورودك والخمايل .. حني يديني يايمه .. ودي أرجع طفلتك .. ودي أرجع طفلتك .. ودي أرجع طفلتك .. النجلا تدرين يايمه .. وش أسوي لو أرجع صغير ..؟؟ حرااام ماينطق لساني .. متى أكبر ..!!

ساعد في نشر والارتقاء بنا عبر مشاركة رأيك في الفيس بوك

اقتباس