ولو غبتي .. أغمض عيني وآحبك

[علي الحزمي]

ولو غبتي .,.أغمض عيني واحبك
واشوفك في حنايا الروح
واحبك رغم طول البعد
احبك في ثواني الوقت
احبك غصب
عن أهلك
وخلانك
واحبك في مسافاتي
واحبك في ليالي الوعد
احبك لو تجافيني
واحبك كثر ما نامت
عيون الكون
وعيني ما طراها نوم
ولو قلتي
احط الشمس في ايدك
لاجيب البدر من عالي سماه
وتحضنه ايدينك
واسرق من شروق الفجر
من حضن الورود أسرق
رحيق الشهد لعيونك
وأجيب من الندى
قطره
على
قطره
وأرش العطر بغصونك
واجيب الطيف بألوانه
على جفونك
واحبك لو تناديني .,.
واحبك عد موج البحر
واكثر من لهيب الجمر
ولو ترضيك أجفاني
ابفرشها لقلبك درب
واحبك واعشق طيوفك
ولو اضحى زمان القهر
يحاول لو ينسّيني
تلاقيني غدير ونهر
في قربك وببعادك
وفي نومك وبسهادك
وفي هجرك وميعادك
أحبك ليتها تكفي
تبوح وتشرح اللي في خفوقي
ليتها تكفيك
وليت اللي من حروفي
على قدر الغلا يوفيك
وليتك ما تشوفي شر
ولو اضحى زمانك مر
ابآخذ يالغلا مافيك
واحبك كثر مافي دنيتي يضوي
ليالي الشاعر السهران
وعد المزن لي يروي
صحاري خافقي الولهان
وشوق العاشق الحيران
وعد النبض لي بسمك
يسافر في رحاب البوح
ولو ترضيك اشواقي
احبك كثر اشواقي
سطور الدمع باوراقي
وكبر الشوف باحداقي
واحبك كثر مافيني
من الاشجان لو توفي
من الاحلام لو تكفي
وليتك تاخذي عيني
خذي قلبي
خذي روحي
خذي عمري
مدام العمر لك يشفي
وطرف العين لك يرفي
ونبض القلب لك يهفي
فراشك روحي لو تدفي
وصدري لو تبي تغفي
تعالي واسكني عطفي
ولو مني العطا يكفي
احبك واعشقك واهواك
وخايف من دروب الوقت
تاخذي عمري الحاير
قبل لاسمع تقولي لي :
فديتك يالغلا يكفي
يجيك من الصدى بوحي
يقول :
افداآاآاآاآك.

[شجون الليل]

كلمات رائعه بروعت حضورك علي

سلمت يداك على هذا الابداع

دمت بهذا الجمال والتميز

ودي

[نـور القمــر]

واو
كلمات بقمة الروعه
تتخلها موسيقى عذبه
واوتار الحب الصادق
ابدعت ولازلنا بانتظار ابداعك
http://moh99d.com/vb/uploaded/89_11259610644.gif

[محمد ال مهيد]

الغالي علي الحزمي

عزف ونزف منفرد

سجل اعجابي

محمد

[دلع نجد]

راقت لي القصيده
ويعطيك الف عافيه علي

تقبل مروري

[ذكرى الغالي]

http://kll2.com/upfiles/ld689301.gif (http://kll2.com/)

[ذكرى الغالي]

http://kll2.com/upfiles/ld689301.gif (http://kll2.com/)