المساعد الشخصي الرقمي

مشاهدة النسخة كاملة : إن صار زود المال بيديـن الانـذال


محمد ال مهيد
08-21-2010, 12:32 PM
إن صار زود المال بيديـن الانـذال=حنّـا مـن المعـروف تنـدا يدينـا
وان كانهم شرهوا على طيب الافعال=حنّـا وردنـا جمامهـا وارتويـنـا
وان فكّروا للجـود يمشـون رحّـال=حنّـا قبـل يمشـون يّمـه خطينـا
يا ما لبسنا للشـرف كـل سربـال=وعلـى البسيطـة للفضيلـة مشينـا
في دوحة العربا لنا مجـد وظـلال =وحنّـا علـى در المكـارم غذينـا
لو نجمع اللي فات منـا مـن المـال=ان كان شيدنـا القصـور وبنينـا
نعطي ولا نتبـع عطانـا بالاقـوال=ونبذل ونسكـت كننـا مـا عطينـا
وان باعوا الشيمـة بدينـار وريـال=حنـا دخلنـا سوقهـا واشتريـنـا
نطلع لها لو هي على روس الاقـذال=لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال=الي نساهـا غيرنـا مـا نسيـنـا
أسـود سـادات ٍ تسجـل للاشبـال=فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال=حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال=لـو سـال دم دفوفنـا مـا شكينـا
نخـاف يلقـى سدنـا كـل ختّـال=ويبنـي هزيـلات المعانـي علينـا
الليل يا خالـد علـى والـدك طـال=وهنّيـت نـاس ٍ بالكـرا نايميـنـا
يا عز راسي شفت ما خبـث البـال=شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال=فطّـر خشـوم مهجرعـات الحنينـا
أدير قـالات ٍ عريضـات وطـوال=قـالات خـلـنّ المخـفـىّ يبيـنـا
منهن رزين العقـل بالوقـت يهتـال=بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال=نصبـر ونسكـت كننـا غايبيـنـا
النـاس بالأيـام راحـل ونّــزال=وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال=عالـم خفـايـا نـيـة الحاقديـنـا
ما اترك طريق العدل في كل الاحوال=لـو يرحـل المـريـخ للفرقديـنـا



محمد السديري

ذكرى الغالي
08-21-2010, 06:12 PM
صح لسان الشاعر مليون
وسلمت يدآك
احترامي

علي سعود
08-21-2010, 08:51 PM
ختيار رااايع للغايه الاهنت يامحمد

ع النقل الرااايع

عادل الدوسري
08-21-2010, 09:26 PM
أخوي محمد

الله الله هذا الشعر الاصيل

اختيار جدا رائع

جزاك الله خير

عادل

هواوي سدير
08-21-2010, 10:25 PM
صح لسانه وبيض الله وجهه
وتسلم يمينك اخوي على النقل

نـور القمــر
09-09-2010, 03:28 PM
طرحاً تجلت بالجمآل ,,,,,
وعزف يغشآه عِطر مسك ,,,,,
لروحك بآقة ورد ,,,,,
http://www.9or.cc/data/media/90/w6w2005041313550868f6af025.gif

نجوم المخيني
09-11-2010, 07:33 AM
صح لسان مبدعها

ولك استاذي

كل التقدير علي الاختيار الرائع

ودي

مابنكسر صااابر
09-11-2010, 09:53 AM
صح لساان شااعرهم
وسلمت يد نقلها

سمر محمد
09-17-2010, 06:01 PM
إختيار موفق ينبيء عن ذائقة شفيفة


وطبت

علي الحزمي
10-06-2010, 09:12 PM
ماشاء الله

اختيار جميل

وراقي بالفعل

يعطيك العافية

ودام لنا هذا الاختيار المتميز

ودي

اخوك
علي الحزمي