إن صار زود المال بيديـن الانـذال=حنّـا مـن المعـروف تنـدا يدينـا
وان كانهم شرهوا على طيب الافعال=حنّـا وردنـا جمامهـا وارتويـنـا
وان فكّروا للجـود يمشـون رحّـال=حنّـا قبـل يمشـون يّمـه خطينـا
يا ما لبسنا للشـرف كـل سربـال=وعلـى البسيطـة للفضيلـة مشينـا
في دوحة العربا لنا مجـد وظـلال =وحنّـا علـى در المكـارم غذينـا
لو نجمع اللي فات منـا مـن المـال=ان كان شيدنـا القصـور وبنينـا
نعطي ولا نتبـع عطانـا بالاقـوال=ونبذل ونسكـت كننـا مـا عطينـا
وان باعوا الشيمـة بدينـار وريـال=حنـا دخلنـا سوقهـا واشتريـنـا
نطلع لها لو هي على روس الاقـذال=لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال=الي نساهـا غيرنـا مـا نسيـنـا
أسـود سـادات ٍ تسجـل للاشبـال=فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال=حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال=لـو سـال دم دفوفنـا مـا شكينـا
نخـاف يلقـى سدنـا كـل ختّـال=ويبنـي هزيـلات المعانـي علينـا
الليل يا خالـد علـى والـدك طـال=وهنّيـت نـاس ٍ بالكـرا نايميـنـا
يا عز راسي شفت ما خبـث البـال=شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال=فطّـر خشـوم مهجرعـات الحنينـا
أدير قـالات ٍ عريضـات وطـوال=قـالات خـلـنّ المخـفـىّ يبيـنـا
منهن رزين العقـل بالوقـت يهتـال=بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال=نصبـر ونسكـت كننـا غايبيـنـا
النـاس بالأيـام راحـل ونّــزال=وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال=عالـم خفـايـا نـيـة الحاقديـنـا
ما اترك طريق العدل في كل الاحوال=لـو يرحـل المـريـخ للفرقديـنـا

محمد السديري
ساعد في نشر والارتقاء بنا عبر مشاركة رأيك في الفيس بوك

صح لسان الشاعر مليون
وسلمت يدآك
احترامي

ختيار رااايع للغايه الاهنت يامحمد

ع النقل الرااايع

أخوي محمد

الله الله هذا الشعر الاصيل

اختيار جدا رائع

جزاك الله خير

عادل

صح لسانه وبيض الله وجهه
وتسلم يمينك اخوي على النقل

طرحاً تجلت بالجمآل ,,,,,
وعزف يغشآه عِطر مسك ,,,,,
لروحك بآقة ورد ,,,,,

صح لسان مبدعها

ولك استاذي

كل التقدير علي الاختيار الرائع

ودي

صح لساان شااعرهم
وسلمت يد نقلها

إختيار موفق ينبيء عن ذائقة شفيفة


وطبت

ماشاء الله

اختيار جميل

وراقي بالفعل

يعطيك العافية

ودام لنا هذا الاختيار المتميز

ودي

اخوك
علي الحزمي