اقرب لا هنت يالمناع

يامرحبا واسعد الساعات=تحية الود ابديها
وين المريش فالابيات=جزل المعاني وراعيها
ودي نغني لحن كسرات=يطرب جميع الملاقيها
ان كانو شله من الحلوات=والا رجالن نوافيها

ساعد في نشر والارتقاء بنا عبر مشاركة رأيك في الفيس بوك

يا مرحبا وابرك الحزات
.............اللي مع الشعر نقضيها
كسرات والا غنا شلات
............شـيلات لحن(ن) نغنيها
فيها من الحب واللوعات
............ فيها من الِشعر ما فيها
فيها رسايل لها شارات
........... والجزل يعرف معانيها

خلووووووها

ليك البقا يرتدد ردات=حتى سنينك تقضيها
قلي علام الرجل لو فات=بين الذيابه يجاريها
يحسب بياض الضرس بسمات=جالس يسولف يراضيها
والله عليمن على النيات=وشْ هيْ ظروفن يعانيها

الحر يسموا عن الزلات
.............وارض الخنا ما يدانيها
والذيب يبرا من العثرات
.............ما جر صوته براضيها
مير البلا فَسَود الحيات
............الـلــي يــغرك تلــويــها
لكن عندي لها دبرات
............والله لآطـى عــلابيــها

الله الله

متابع
لمعالم الشعر
واعلامه
دمتم ولاهنتو

أرحب ارحب ياسمي
والله ان لك وحشه يا نقي
فتره ما شفت معرفك يزين المكان
عسى المانع خير


تسموا القافيه بك والله

اسمع اسمع

خابر علومك يابو الفزعات=والرايه دايم معليها
راجل كفو و ولد بهوات=والصحبه فيكم نلبيها
ارجع ورى واقلب الموجات=يمكن تشاهد مراميها
واحد عبر اعور اللمبات=صّدم قدورن طبخ بيها

المشاركة الأصلية كتبت بواسطة محمد الشايع

الله الله

متابع
لمعالم الشعر
واعلامه
دمتم ولاهنتو

الراقي محمد الشايع
حياك الله وبياك
ولا ندمت
ونسعد بمتابعتك الطيبه
نورتنا ياعذب الحضور

المرحب باقي
وللأمانه انتم زينة ونبض الاماكن هنا وهناك
ولاهنت يالسمي على سؤالك وترحيبك الغير مستغرب
دمت ولاهنت يابعدي

هههههههههههههههههههههههههههههه

اسمع

يالله ترحم غلام(ن) مات
.............مير البقا في توا ليها
اصبر على حامي الكيات
............ يأحمد ولتقول ما بيها
من كان يعبد هبل والآت
............ بيذوق نارن تصاليها
دارت على راسه الغارات
.........مايخطي الرمش راميها