لاتطيح.. إحضن أوجاع الليالي وإستريح..!! مع خيوط الصبح يشرق .. فرح عمرك مع كل ريح إنسى همك .. وإمسح دموعك من على خد الغياب وأسقي روحك .. ولاتفكر بالسراب وكمل الخطوه عمر .. وإرسم خيوط الامل .. بلون الفرح .. وقمرا يضويها الجمال .. وبحر يهديلك خيال في خيال .. وإن تعثر قلبك الطيب وتاه..!! لاتطيح .. لاتطيح .. إقبر الماضي وسوي له ضريح ..!! وعيد ترتيب الحياه .. من بدايات النهايه .. وآخر الخطوات غايه .. الحياه فيها خساره .. ومن ربح فيها قليل .. ولا بتلقى المستريح ..!! بس ... لاتطيح .. لاتطيح .. سكت كل الكلام .. ولانطق غير الشعور .. اللي ساكن في سلام .. ماعرف طعم القبور ..!! ومن شرب كاس شربته .. يعرف أسباب الفتور .. وليه أعاني في حياتي .. وليه أنا دايم جريح .. قول ياللي ماتطيح ..!! من يعاني .. ومن يصيح ..!! قرب من جرحي .. تعال قول ... في بالي سؤال من يشيل غبار عالق بالرفوف ..؟؟ من يزيح هموم تسكن هالطيوف ..؟؟ من يعلم الصبح يصبح دون خوف ..؟؟ من غفى في جوف عينه .. دمعه أرهقها الذبول ..؟؟ من ينادي ولاسمع غير العذول ..؟؟ لاحبيب ولاصحيب ..غير عبرات ونحيب لاتهرب من السؤال ..!! قول ولو شرحك يطول .. بقلبي أسمع بس قول .. قول ياللي ماتطيح ..!! وتملك حروف الفصيح .. كل هذا وماتبي مني أطيح..!! ............................ماأطيح...!! شتاآآات روح النجلا

ساعد في نشر والارتقاء بنا عبر مشاركة رأيك في الفيس بوك

رااائعه ياغلا سلمت يداك

ايا نجلا ومنهو غير الآآآه ينطق ومن يطيح الا الجريح مثلي ومثلك بالهوى نمشي سوى انتعثر ونتألم وبكل جرحن مانتعلم سلمتِ وسلمت كلماتك أقرأها بقلبي قبل لساني ابدعتِ غاليتي جعلتيني اطيل المكوث بين كلماتك استقي منها اضع المك على المي واسير اخيتي قلمك راقٍ بمعنى الكلمة بانتظار جديدك بشغف لروحك جنائن اللوتس ... ... أنثى القمر

قالت توثق لاتطيح= انت قوي فوق الجروح
بعض الكلام ما هو صحيح= وبعض الكلام ما فيه روح
انا جريح وانت جريح=والاه قاتل للطموح
اخترت اصمت ما اصيح=وابني على جرحي الصروح
البعض يتفلسف فصيح= ما ذاق آهات وتروح
منهو صراحه مستريح= يخطب عن الحب ويروح

النجلا

اي الكلمات انتقي
لاكون ردي كي يلقي
بهذه اللوحة العسجديه
لا اعلم اي الكلمات

اذا اسمحي لي بان
اقطف وردة من كل انواع الورود
وانثرها فوق هذا المتصفح الرائع


ودي واحترامي وتقديري

المهيدات

　

الأخت الغالية والكاتبة الشاعرة القديرة
الفاضلة النجلا
شكرا لك على القصيدة والنثر الجميل
بوح معبر عن مشاعر رائعة وجميلة
دام خاطرك والقلم ودمت بخير
مشكورة

بحثت عن الكلمات
فـتهـرب مني الأحرف وكل الكلمات
لكن قلمي ينحني ليتوارى عن أسطركـ ِ ...
إنه يتوارى من أحرفكـ خـجـلا
أعجبتني تلكـ الكلمات
سأكون في انتظار جديدكـ القادم الذي أرتقبه
فمن حرفكـ وعذب بوح قلبكـ لا تحرمنا
تحيتي وتقديري

المشاركة الأصلية كتبت بواسطة ذكرى الغالي

رااائعه ياغلا سلمت يداك

يسلم قلبك شاعرتنا الجميله
الروووعه في تواجدك وتعليقك
شكراا لك وأكثر
أرق تحيه

المشاركة الأصلية كتبت بواسطة ايمااان حمد

أتعلمين ..
نتأثر.. ونتألم .. وننجرح ..
لأننا نحمل قلباا رقيقا لا يحتمل الخدش..
كـ قلبك ياأنثى القمر
شكراا لهذا الحضور المختلف
كوني بالقرب
أرق تحيه