يامل عين كل ماخيمّ اللّيل =وانكف خالي البال واطفى سراجه
يشب فيها هم مبطي بها محيل =راحت سنين العمر ماجا انفراجه
وخيول فكري مربطاتٍ لها صهيـل= تبي الفضاء وانا مجــوّد سياجه
تشره علي العين وتعمعـم الخيل= وانا اعترف خليتها لوقـت حاجه
وجدي على راعي العيون المضاليل= اللي سكن قلبي وحـافه وداجه
كل السنين المـاضيـه والتعـاليـل =مـاغيرت من بسمته وابتهاجه
اجيه ساري واشتهي ضمته حيل= ويملّكن عــرشه وفرشــه وتاجه
يزود لي بالكيل وازيد بالكيـل= وان قلت يكفيني تعكّر مزاجه
دلـّـوع لكن بالغـلا ماهو بخيـل= بعيـد عن درب الردا والسـماجه
ماله علي مدخل ولالي مداخيل =غيـر النصيـب ووقفتــه ونعـواجه
وجـهـه بقالي ودمعتيـنٍ به تسيـل= ونظرة قهــر يخفي وراها انحراجه
يفوح قلبي مثل فوح المعاميل= واسمع براسي لاذكـرته لجاجه
بيني وبين الهـم عشق وتهاويـل= كنــي حبيسٍ من عناه بزجاجه
مهموم من قل الفرج والمواصيـل= ومرتاع من عقد الزمن لي حجـاجه
يبست مواريدي وانامحتري السيل= والهم علق بالمحاني حراجـه
متى على الله بالسمايطلع سهيل= كود المطريقطع طريق العجاجـه
مادام ضاع القفل ماينفـع القيـل =ولاينفـع المفتاح كثرة اولاجـه
يادق قلبـي بالنجر دقـــة الهيـل= قام يتهشم من كثـر مـايـواجـه
علـى السنين الفايتـه دون تحصيل= وزرعٍ يبس قبل يتـهيـا خراجـه
ياحظي اللي منطوي مابه الحيـل= على فـراشـه مستحيلٍ علاجـه
اتعبـني الماخوذ بالحط والشيـل= لاقـام من نومه تفتـح خــلاجـه
ياكثر ماعــدلتـها وترجع تمـيـل= واليـاس دربٍ مابغيـــت انتهاجـه
لكن على الله يالدروب المقـابيــل= يمكـن يزينها الولي بانفراجـه

ساعد في نشر والارتقاء بنا عبر مشاركة رأيك في الفيس بوك

مادام ضاع القفل ما ينفع القيل
ولا ينفع المفتاح كثرة اولاجه

الله الله

صح السانك

ودام نبضك

تقبل مروري

الزين كله

المبدع المتفرد بعذب الحرف

صقر فواز

صح لسانك بلا حد وبلا عد

قصيدة مميزة جداً


لا تحرمنا جديدك العذب

الغالي صقر فواز

الله الله عليك

قاف رائع

سعدت بان اكون احد المعانقين

سجل اعجابي

محمد

الاخ الشاعر الجميل المبدع:: صقر فواز صح بوحك يادق قلبـي بالنجر دقـــة الهيـل قام يتهشم من كثـر مـايـواجـه علـى السنين الفايتـه دون تحصيل وزرعٍ يبس قبل يتـهيـا خراجـه ياكثر ماعــدلتـها وترجع تمـيـل واليـاس دربٍ مابغيـــت انتهاجـه تقبل فائق تقديري

صقر فواز
الله الله

ابداااااااااااااع


هنا توفقت


لارتشف جمال المشاعر النقية

لكن على الله يالـدروب المقابيـل

يمكن يزينهـا الولـي بانفراجـه

صقر فواز

صح لساااااانك

جميل ما اجمل هذا التنفس

لاهنت يالقرم لاهنت

تقبل مروري من هنا

صح لسانك على هذه الابيات الرائعه
كلمات تعزف على اوتار التميز
انتظر منك المزيد والمزيد من ذائقتك الشعريه
دام لنا عبير خيالك


تحياتي

الله الله

صقر فواز


بصراحة انت صقر القصيد


قصيدة في قمة الروعة


رسم ونظم

واحساااااااس


صح لسانك لين ترضى

مودتي

اخوك
علي الحزمي

"....صقر فواز....."

حلقت في سماء حرفك

حيث امطرت غيومك

اروع المعاني واعذب المشاعر

فابت روحي الا ان تتذوق

عبير رائحة قطرات مطر غيومك

فسلمت اناملا نثرت فابدعت



مررت من هنا فزرعت احرفي
انا من المتبعين لكـ
اختكـ......همس المشاعرــ.....