يشرفني أن اقوم بانشاء ديوان الشاعر القدير هاجد السبيعي كما يشرفني جمع قصائدة بهذا الديوان

مساجله بن الشاعر هاجد السبيعي والشاعر مشعل بن سند السبيعي

يقول الشاعر مشعل بن سند

عزالله إن بعض المنافع ضريره=ضريرةٍ فالكبد وتعور الراس
مثل الرماح من اليدين الشطيره=توجع مضاربهن ولو كان دراس
ولا بعضهن مثل حلو البريره=اللي تريح الكبد وتطير عماس
هذا صحيح القول مافيه غيرة=يابو بدر وأسماء وريماس
ياراعي الشعر المميز واميره=شعرك تراه بناظري ماله اجناس
وقولة نعم عندك تراها صغيره = تستاهل اطيب منه ياطيب الساس
وأنا الشهادة منك عندي كبيره=لا قلت صح لسانك أو قلت لاباس


وهنا رد الشاعر هاجد السبيعي
حي الشهادة وانت راعي بصيره=ياشاعر(ن) شعره مثل عقد الألماس
على نحر بنت الشيوخ الأميره=وجمالها وافعال اهلها على ساس
الشعر صيد وكل قانص وطيره=والصيد واجد وأنت للجزل قرناس
وحطيتني للشعر سيدة واميره=وأنا على ما قالوا الناس حساس
نوادر الافكار شرد ومذيره=وصيادهن تلقا شفاياه يباس
وإلا كما در البحار الغزيره= ولا غاص غبات البحر كل غطاس
الشعر مثل النبت في كل ديره=ولاجاك بعلوم الحيا كل عساس
الشعر هرج ورتبه في مسيره=لكن له ضبط ومعايير وقياس
والشاعر بعقله وحسب تعبيره=والفكر يفرق ناس عن ناس عن ناس
وأهل التجارب فالمعاني خبيره=تجارب الشاعر تدوون بكراس
أحيان ياتي هاجسي ما أستشيره=وأخذ مع الهاجوس سجه ومرواس
والعب معه لعب النسيم وعبيره= لاداعب الغربي مع العصر نسناس
أرقا سما مادام فكري يديره=وأحطله مع نجمة سهيل مجلاس
وأرويبه كبود الوجيه السفيره=وأدرا عليه من المناقيد والحاس
وبرضي غرور الشعر لا رضيت غيره=وهذا أنت راعي ذوق والذايق اجناس

ساعد في نشر والارتقاء بنا عبر مشاركة رأيك في الفيس بوك

سلمت الانامل بورك فيكم

قصيدة مهداه للشاعر عبد العزيز الفراج بمناسبة فوزة بجائزة شاعر العرب

توكلنا على المعبود سبحانه عظيم الشان=عساه بقدر نيتنا من التوفيق يعطيها
من الخرمة توجهنا عصير حزة مسيان=ديار اهلي هل الغلباء عمار بعز اهليها
ديار اللي لياشب القبس ثم ثوع الدخان=طحاطيحٍ تبيع ارواحها من دون واديها
سبيعي وافتخر واشوش لاجا طاري السبعان=على راسي هل الوديان ورماح وضواحيها
عصابة راس وحزام ويدٍ وحدة من الجدان=على طيب وعلى عز وعلى تقدير نبنيها
وجابتني هبوب الشوق تدفعني وانا شفقان=وأقدر دعوت اللي جالنا عاني والبيها
نشارك فرحة اللي للشعر رمز وله عنوان=تعلا قمته والطيبه من حظ راعيها
شوارد شّرد افكارة تعطيه فأي بحرٍ كان=لياحاف القصيدة يطرب السامع وقاريها
كفؤ عبد العزيز اللي على مجده خذ البرهان=بعيدين الهقاوي ماتخيب في هقاويها
لياصار الولد شيخٍ ولد شيخ وابن شيخان=رجالٍ في علوم الطيب طايلةٍ يمانيها
يسوقه للمعالي فعل جدة والابو سلمان=ابوه اللي علوم الطيب جامعها ومحصيها
لياجيت البلد تلقا جزيلٍ يكرم الضيفان=مزاياه الحميدة يعجز لساني يوفيها
ولامنك نويت البر تلقا قدمك الذيدان=خيار إبلٍ تشوق كل مالد النظر فيها
تحت ظل العلم والحاكم المطنوخ والبطران=ابو متعب مليك الدوله اللي نفتخر فيها
وخاتمة الكلام الشكر والتقدير والعرفان=على من شرف الحفله بدهن العود نهديها

هاجد بن هاجد السبيعي

من اجمل القصيد الللي طالعته

تسلم يدك

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي