ماهي غريبه أذا قحطان ملفاه = راع العزيمه مضرّا للعزيمه
(سعيد أبو زهره) البيضاء نؤاياه = هباب ريحٍ بنؤاياه السليمه
من طيب مبداه صار البشت مبداه = حاضر بلحظات عاداتٍ قديمه
كريم يازين عاداته وملقاه = يابعد شوفه عن عقولٍ غشيمه
راع الوفا دايم تنومس عطاياه = أدعي عسى ربي بعزه يديمه
البشت قدره قدر أنسانٍ أهداه = وأهل الحشيمه تقدّر بالحشيمه
بعض الرجال أن أهديته شي خلاه = شيٍ كبيرٍ ولو مافيه قيمه
وبعض الرجال أن عطيته عينك أعماه = ماهو بضاري لعاداتٍ كريمه
ياحيف ياللي هقيت بطيب مجناه = ماقدّر اللي نخاه وفيه شيمه
ويش اكثر أنه مبيّن له خفاياه = ماجاه الا من أمورٍ عظيمه
ماهو بشيخٍ لو أصبح شيخ مركاه = كم شيخ مالٍ مايفرق عن حريمه
الحر بيّن بهقواته ومغزاه = ويبقى البهيمه بالمواقف بهيمه
نخيت أصله وناديته بمعناه = وردت هقاوي (أبو نايف) هزيمه
قلت أدخل على الله شاعر وجاه = من جور الايام وافزع لا تضيمه
موت الهقاوي خناجر حط شلفاه = في صدري وشفت أن مدحه ظليمه
مايستحق الشعر والمدح شرواه = هذي عواقب مديحي له وخيمه
أعز نفسي عن أشباهه وآعزاه ؟ = للمرجله كيف ماتت بالنميمه
ماني براعي (يابن زهره) مهاداه = مثلي مديحه بمن مثله جريمه
فقير من كثر ماله كيف لا جاه = مجروح يبغى دوى أصبح سقيمه
مالي ومال الذي ماله تمثّناه = ماله على نطحة الهقوه عزيمه
الطيّب بعز وجهه مانثر ماه = والا الردي أبسط أموره تضيمه
والله لو مت دونه ماترجاه = لوهو مطر مارجيت بغيث غيمه
أعزوم مثلي طويل الطود ترقاه = وأعزوم مثله قصيراتٍ هشيمه
الذيب لامن عوى تخافه الشاه = والوضع سينه يكّفي عنه جيمه
والخاتمه (يابن زهره) جاك معناه = قصيدةٍ وأعتبرها لك وليمه
ماكل رجال بالشدات تنصاه = وأفراق بعض الرجال اكبر غنيمه

.

.
ساعد في نشر والارتقاء بنا عبر مشاركة رأيك في الفيس بوك

صح لسااانك وبيض الله وجهك

مدحت من يستحق المدح دائما مبدع

سعدت بالمرور

محمد

الغالي محمد

أشكرك على حضورك الراقي

تقديري

الشاعر.منصورالرويلي قصيدة جميلة تحيتي لك

القدير منصور الرويلي قصيدة جميلة ارق التحايا لك

الشاعر القدير / منصور الرويلي

صح لسانك

ولاهنت
يستاهل المدح سعيد بن زهرة

كتبت فأبدعت

كنت هنا ومضيت

أبدعت و أمتعت فأشبعت جزالة
صح لسانك و علا شأنك
وفقك الله
و رعاك
و متعنا بجل جديدك
و أبقاك
و بيّض الله وجهك


تقديري و زاكي تحاياي