الله يذكرك بالخير يا أبو سعد

==
=محمد المناع
==
نادولي الشاعر جزيل العطاوي=عبدالله الحضبي عسى الله يعافيه
له مدةٍ سارح وبالليل ضـاوي=واحنا نبي بالشعر نبحث خوافيه
==
=عبدالله الحضبي
==
يامرحبا باللي على الخيـر نـاوي=إن كان يبغانـي ترانـي بجاريـه
الليـل روح بيـن هـم وبـلاوي=ونهارنا مدري وش اللي حصل فيه
==
=محمد المناع
==
حييت يالصقر الشجاع النداوي=حياك يا شاعر جزيله قوافيـه
لك مدةٍ عنـا بعيـدٍ جـلاوي=مدري كرهت الصيد والا فيافيه
==
=عبدالله الحضبي
==
أقول للمنـاع علـمٍ شفـاوي=من لا يعزك لاتجيه وتصافيه
الطيب للي في المواقف فداوي=ولا الردي ماله علينا مشاريه
==
=محمد المناع
==
لاشك وادري بك طبيبٍ مـداوي=لك بسلمٍ لومر بالجـرح شافيـه
القلب صابه من عنا الوقت كاوي=ثم اختلط مره على حلو صافيـه
==
=عبدالله الحضبي
==
الذيب في راس الطويلات عاوي=والذيب الاخر واقفٍ له يناديـه
العلم واضح والجمل صار ثاوي=دنياً ثنت عزم الفتى عن مناويه
==
=محمد المناع
==
يا أبو سعد طرف الشقي صار ذاوي=والذيب ماهو ذيب لو صرت نافيـه
الذيب ذيب البـر ذيـب الغـزاوي=ما احد بهرج السو ياخـوك قافيـه
==
=عبدالله الحضبي
==
غابت نجوم وبعض الاجواد هاوي=جلس بوسط البورصه يصفق يديه
مابين الاسهم والفقـر والشقـاوي=ولا ينصر المظلوم كثرة شكاويـه
==
=محمد المناع
==
ما ينفع المضيوم كثر العزاوي=لو لجة الدنيا تردد عزاويـه
ميرالبلا في فاتلين الحـزاوي=والا كبيرٍ قام يرسل دعاويـه
==
=عبدالله الحضبي
==
أحدن ركب له فوق موتر عـراوي=وأحدن على جمس حمر ملتهي فيه
بيني وبينك عـود أزرق وجـاوي=مايفرق المجنون عن طبع صاحيه
==
=محمد المناع
==
الشاعر اللي قام يحدى الحداوي=ماله ونيسٍ غير جرة حداويـه
شاعر وهاوي غير ماهو بغاوي=وامواس ربعه كل ليله تباريـه
==
=عبدالله الحضبي
==
الشاعر اللي يرسم القاف خـاوي=تراه متحسف على فعـل ماضيـه
والموس يجرح مبعدين الهقـاوي=واللي بغى ظلمه عسى الله يجازيه
==
=محمد المناع
==
أنا احمد الله ما تحلفت طـاوي=علمٍ يسراللي على القلب طاريه
لكن لو تقرآ كتاب الطحـاوي=يجبرك بالسنه بعد ما تصليـه
==
=عبدالله الحضبي
==
والنعم ياللي للسواليـف راوي=حكمت قافك باوله ليـن تاليـه
لنك من رجال الوفا والرجـاوي=والله يجيب الغيث من عند واليه
==
=محمد المناع
==
في الخاتمه يا سيف بالـدم راوي=صارت صفوف الملعبه تيه في تيه
اقبل زهور الفـل منـي نـداوي=ياواحدٍ طاب السمر مـع معاليـه

ساعد في نشر والارتقاء بنا عبر مشاركة رأيك في الفيس بوك

صح الله السنتكم جميع

محاوره في منتهى الروعه والجمال

دمتم بخير

صح لسانك اخ محمد ولسان عبدالله

وبيض الله وجيهكم

والله الله في عبدالله ياليت تجيبه الى قسم المحاوره

محمد

صحت ألسنتكما شاعرينا الكريمين
ممتعه حد الثمل

سعدت أن كنت هنا بين ثنايا القاف


ننتظر محاوره أخرى

هذا يكون لقاء الكبار

بصراحة قمة في الابداع

يعطيكم العافية
مودتي
اخوكم
علي الحزمي

ياسلام على النقا
صح لسان الشعار
جزلين والموضوع جزل
تحياتي لكم

لافض فوكم يا سادة الحرف
بأطايب القصيد نسمو

وطبتم

سلمت يداك
تقديري وإحترامي
ذكرى الغالي