يا حروف المشاعر

#1 01-27-2013, 05:58 PM

قسم بالله لي شفتك تفـز بخافقي كلمه
تبي تطلع وامنعها واناشبها ولااقــدر
..
قسم بالله بغيابك احس بعالمي صدمه
قسم بالله يالغالي احس الشوق بيتــفـجر
..
قسم بالله صرت اخلط عسل حبك على سـمه
وصرت اجهل مفاهـيـمك وكل مافيني اتبعــثر
..
دخيلك بس كلمني وطمن روح منغمه
تبي تنشدك عن حالك وعن دنياك لااكثــر
..
قسم بالله يالغالي جروحك وصلت القمـه
وصرت اشرب خطاك بشوق واعطش للجروح اكثــر
..
وش الي صار يالغالي .؟دخيل الله بس كلمه
ابي افهم سبب صدك وفيني ليه ماتشعـــر.؟
..
دخيلك وش هي الدنيا واغلى الناس ماهـمه
حيـيت او مت مايدري وحبي بقلبه اتبخــر؟؟
..
هقيت الارض تتبلى مع ان الارض منصمه
هقيت الناس تنكرني هقيت الكل يتنكر
..
هقيت ان الخفوق الي بصدري يغدر بدمه
وتصور كم هقيت انك ابد واللــه ماتـغدر
..
وكنت اقول في نفسي علام الناس مهتــمـه..!؟
وكنت افـخـر وانا يـمك وكانت احلى ست اشهــر
..
وكنت احلف وانا اضحك بانك للوفا هِـمـه
وصرت اسأل وانا ابكي علامه قلبه اتـحجـــر ؟
..
ثلاث شهور من عقبه وصرت اشوف بس اسـمه
وكل ماشفته اتـمنـى.. يقول اسف ويتعذر
..
ويرجع لي مثل اول .. ويقتلني فـ كل ضمـه
ويحلفلي بحبه لي ويحلف انـه مايهـجر..!
..
وارد اتذكر بعاده والم دمعي و اضـم هـمه
وهذي حالتي ويآآآه اشوفه بس واتحسـر
..
قسم بالله الين الحين تفز بخافقي كلمه
اذا شفته تبي تطلع وامنعها ولااقــدر
..
قسم بالله ياعالم جروحه وصلت القمــه
وصرت اشرب خطاهـ بشوق واعطش للجروح اكثــر
..
وش الي صار بالدنيــآ .؟ دخيل الله بس كلمه
ابي افهم سبب صدهـ وفيني ليه مايشـعر

ساعد في نشر والارتقاء بنا عبر مشاركة رأيك في الفيس بوك