الغياب يهزّ أوتار الشعور ..
و الصّبح نوره بلا شوفك عَتَم !
يا حضور اللي تميّز بالحضور ..
لا تخلّيني أعايشك بـ [وَهَمْ] ..!

و جَـا ليلي و انا أَلْمَحْ بِيَـــدّك صورة المنديل ..
تلوّح به و أنا أسأل " وش اللي غيّر الأحوال ؟ "

من اللي ساهر(ن) ليله يداري نجمتك يا سهيل ؟
من اللي عافها العذرا و حطّك في عيونه و شال ؟

أنا ما عاد بي أصبر على بعدك نهار و ليل
أسير لعالمك و أشرب غيابك يا خليل البال ..!

تعال و كفّن أوجاعي أنا ما عاد فيني حيل
تعال و كفكف الدمع الذي من أجل حبّك [ سال ] ..!

تعال و شوفها دروب المشاعر من قبل لا تميل
تعال احضن دروب اللي لأجلك كلّ دربه [ مال ] ..!

إذا ما كنت بحضوري تهلّ بدمعتك لي سيل
( ابلقى بالهوا غيرك ) مثل ما قالت الأمثال ..

و إذا فاض الصبر فيني و شفت بنيّتك تأجيل
" فمان اللي جعلك بيوم تَرْكي في ظهر رجال " ..!

قوم عانق ما بقى لي من زهور
قوم عالج ما غشاني من أَلَم ..!
قوم ضَوّي عتمتي / محتاج نور ..
شاعرك صبحه غدا دونك عَدَمْ ..!

ساعد في نشر والارتقاء بنا عبر مشاركة رأيك في الفيس بوك

الشاعرة القديرة العنود الشمرية

ذائقة مميزة في اختياراتك الجميلة
يعطيك العافية
ودمتي متألقة

ولك كل التقدير ،،

الأخت الغالية العنود الشمرية
اختيار راقي جميل وموفق
شكرا لك الف شكر دمت بخير
مشكورة

ماشاء الله .. عذوبه ي العنود ..
أبدعتي بالإنتقاء وأكثر ..
تقديري ..

الشاعرة العنود الشمرية

ذائقة رفيعة بحق

شكرا من القلب

صح القلم و البنان ، نبض شاعرة ، دمت بخير

ذااائقه راائعه

تسلم يمينك

محمد

عذوبه في الانتقاء