رائعه للشاعر عبد العزيز القلادي

ارخت هدبها وارتخت هامت الليل=يوم احتضن كفي تفاصيل يدهـا
روعه تفاصيله وياهي تفاصيل=اعدها واخطـي واضيـع عددهـا
ضميت يدها لليال المقابيل= بردان انـا يـا جمرهـا يـا بردهـا
اسرق دفاي وماتزين التعاليل =الا على جال الشفـق فـي شهدهـا
لاياشهد وش جاب دجله على النيل= لا يا سحابه برقها مع رعدهـا
لا لاح برق ورمش عينه مضاليل= لا تنشدون الشمس منهو وئدهـا
كانت معي ...صار اللقا بالتساهيل = وراحت وكن القلب ماقد وجدها
اقفت وخلتني وما من محاصيل =الا العطش وبيارها من وردهـا؟
انا بدوي وراس ماله تماثيـل =اطـلال لامنـه تضايـق نشدهـا
لاجفت القيعان شلت المواويل=وسقت المطايا ليـن يظهـر زبدهـا
انا ونوقي نتبع الوسم ونحيل = نسري ورى برق الحيـا فـي بلدهـا
نقطع جراهيد ويجيب الله السيل = فحوى الامل لعل يصـدق وعدهـا
اجمع زهابي والحطب والمعاميل = وبيت الشعر والخيمه انهض عمدها
اشب ضوي واطبخ البن والهيل = في دلـةٍ صفـرا ونفسـي سعدهـا
دله... ونار... وفذتين... وفناجيل = تسوى حياة اللي حياتـه عبدهـا
الا ياكود مواجهة نافل الجيل = في ذمتـي تسـوى الحيـاة ورغدهـا
لاشفتها انسى العنا والغرابيل = وانسـى همومـي والحيـاه ونكدهـا
على لقاها اعدل الحظ ويميل = لابوك حـظ المـوت نفسـي هجدهـا
اللي بوجنتهـا تشـع القناديل = اخـت القمـر لا قبلهـا ولا بَعدهـا
لا ارخت هدبها ترتخي هامت الليل = وانا ألتفت وعيوني الله قردهـا

هذا الموضوع برعاية

ساعد في نشر والارتقاء بنا عبر مشاركة رأيك في الفيس بوك

خسارة الكتابه مو طالعه عندي
ولكن كلي يقين بانه قمه بالطرح
وه>ا ليس غريب على شخصك الكريم
دمت بخير

محمد ال مهيد

سلمت علي الاختيار الراائع


ودي

شكراً لاختيارك الباذخ

وتحية

ماشاء الله عليك استاذ
محمد
اختيار راااااااااااقي
يعطيك العافية

مودتي