السلام عليكم ورحمة الله وبركاته

النفس طابت من الساحه وبلاويهـا

والصدر ضايق عسى ربي يفرّجهـا

دخلتها أسوق رجلي فـي خطاويهـا
رديت رجلي على دربـي أعرّجهـا

ماكنت أظن الجنون اللـي اخاويهـا
مع كـل فـنٍ أسايرهـا وادرّجهـا

بترد كف الزمـن بالشـر ناويهـا
جهّز خيول الحسد ضدي يسرّجهـا

لا عدت وقت ٍ يشيّخ صدق شاويهـا
صوت العقل غاب في لجات مارجها

لو نزعج الصوت ماتاصل عزاويها
الناس ضاعت ولا تعرف مخارجها

ربي دخيلك عسى ما الوقت غاويها
ما عاد تسمع نصيحه من مهرّجهـا

في غفلةٍ عن عيون اللـي يداويهـا
لولا الحيا كان نكشفهـا ونحرجهـا

من ضيقةٍ فـي ضمايرنـا تلاويهـا
زودٍ عليها خبيث الفعـل رَجْرَجْهـا

العام الأول كبـود اعـداي كاويهـا
من داخل النت وإلا من خوارجهـا

خذيت لي سجةٍ مع نجـم ضاويهـا
شديت حبل الهوى بدفـة سوارجهـا

يوم المخاطر حقيقه كنـت هاويهـا
أدخل غزير البحر وأهزم بوارجهـا

رديت ناسٍ قبـل تاصـل مناويهـا
من عبرةٍ في صدى صوته يحشرجْها

واليوم بطوي عزالي عـن بلاويهـا
النفس ضاقت عسى ربـي يفرّجهـا

حمد المخيال

ساعد في نشر والارتقاء بنا عبر مشاركة رأيك في الفيس بوك

الراقيه همس كان لي شرف السبق في مصافحة هذا الجمال
انتقا اكثر من رائع وسلمت اناملك علا نقله هنا
دمتي بهذا التالق وكوني بخير

انتقاء راقي
تسلم الايادي
كوني بخير

من ضيقةٍ فـي ضمايرنـا تلاويهـا
زودٍ عليها خبيث الفعـل رَجْرَجْهـا


رائعه ولاتفيك

تقديري

رهام