سيّد الشوق ما في الناس معصـوم
والمقابيـل مـن فينـا حسبـهـا

ليه تشرح غموضك وانت مفهـوم
يابعـد مـن مفاهيـمـه قلبـهـا

فالغلا والولـه مـا ينفـع السـوم
حاجتيـنٍ لـك الخافـق وهبـهـا

ادري ان للهوى عـادات وسلـوم
وكذبة الحب . تتعب مـن كذبهـا

جيت ملـزوم والا منـت ملـزوم
كثر الاعذار منّـك . مـن طلبهـا

انت . بسمة فرح في عين محروم
جا يبيهـا وقـال الوقـت جبهـا

وانتظرك بعيونـه وانشـد النـوم
كم ليله علـى الذكـرى غصبهـا

خل كـل الكـلام وعاتـب ولـوم
عمر الاحباب يبـدا مـن عتبهـا

واترك الدمعه اللي سالـت اليـوم
تهجـر العيـن وتـودّع هدبـهـا

كان كفـي عليهـا شبـه ملـزوم
مير خـدك مـن اللهفـه شربهـا

عندي علوم وانت علومـك علـوم

نبرة الحزن هذي . ويش سببها.؟

كان في وسط صدرك ضيق وهموم
هاتهـا لـي وتسلـم مـن تعبهـا

منت ظالم معاي ولا انت مظلـوم
لعبـةٍ حبهـا الـوقـت ولعبـهـا

الشاعره: برق الحيا

ساعد في نشر والارتقاء بنا عبر مشاركة رأيك في الفيس بوك

الاخ العزيز الشاعر ماجد الحربي
شكرا لك على اختيارك الجميل
الف شكر

ماجد الحربي
اختيار موفق كالعادة أخي
سلمت يداك والف شكر
تحياتي وودي

ماجد الحربي

اختيار في غاية الجمال

سلمت وسلمت الشاعرة .

انتقاء راائع تسلم يمينك

محمد

جميله جدا
كن بخير