آتنفّس رغم هذا الضيق في صدر المدينة وآتبسّم حتى لو مابه ...عصافير وأغاني وانتي أنتي .. مثل ماأنتي ..ولكنّك حزينة تربكين الدمع ويل الدمع من ضيق المحاني صح أنا مااخترت اكون إنسان يمكن تعشقينه بس انا ماخترت أكون إلا معاك انسان ثاني كنت اقول البحر ماينشد عن هموم السفينه صرت أقول اللحين دلوني على وجه المواني آه .. واللي خالق ٍ بي صوت يصعب تسمعينه ماقطفتك ( لحظة ٍ حلوة ) من أغصان الثواني أشبه احساسي ولاأشبه هذاك اللي ... تبينه شاعر ٍ من ضعت عندك ضاع يوم إنه لقاني أشبه اللي مرّ في صدري وانا مدري حنينه مثل هذا الفرح ..... هذا الجرح لامنّه بكاني أنسكب لك شي مثل المي . يمكن تشربينه وارتوي بك شعر.. مثل الشعر لامنّه .. دعاني مثل هذا الحزن هذا الحزن لامرّ بـ سكينه مثل هذا النور مثل شعور من يدّي .. خذاني مثل هذا اللي يدوّر في يدينك .. عن يدينه مثل هذا اللي يمرّ اللحين كل اللي .. قراني مثل هذا اللي يحث خطاه ماتلحق .. سنينه مثل هذا اللي تشوفي كيف لو شفتيه جاني ؟ شاعرك لو ماتنفّس ضاق به صدر المدينة شاعرك لو ماتبسّم .... كان مارفّت أغاني أفتحي قلبك وشوفي وش ورى دمعات عينه يمكن تحسيّن باللي ماقوى ... ينطق لساني لايمر ّ الحزن مثل اللي يمرّ .. وفي يمينه قلب ماتنبض سنينه مثل .. نبضات الأماني من يقول الصبح هذا صبح . واشياءه حزينه من يقول الناس مثل الناس ماحس ّ بحناني الحزن ماهو مثل ماشعر واحسّك .. تشعرينه الحزن لاجيت ادور لك وانا اجهل مكاني مما.. راق.. لي

ساعد في نشر والارتقاء بنا عبر مشاركة رأيك في الفيس بوك

جميلة جدا و رائعة

يسلم ذوقك

دائما انتقائك عالي الحس

شكرا اخي ماجد

اكثر من رائعه
تسلم يمينك
كن بخير

سلمت الانامل جميل ما نثرتم دمتم بخير دائم

احساس عالي في تذوق الكلمات
اكيد ما يروق لك أخي ماجد يروق لنا
سلمت يداك ويعطيك ألف عافية
تحياتي وودي

أخي: الصح


سعدت بمرورك وبإطراءك الكريم

يعطيك العافيه

الله يسعدك ياماجد
قصيدة قمة في روعتها وتناسقها
صح لسان ايلها
وصح منطوق ناقلها
ولا هنت

شكرا جزيلا لكل من شرفني بمروره وإطراءه


يعطيكم العافيه