..

مدخلْـ/
رسمتك في خيالي غير..
اسيره تنتظر تحرير..
وجيت السجن لعيونك..
عسى أقدر ابين لك..
مدى حبي لتحريرك..
..

..
تجمعنا على حزن وألم وفراق
تجمعنا وكان الهم صاحبنا
تجمعنا ولكن حظنا سراق
سرق منا تفائلنا
،
تجمعنا على أشتات اللقاء الفايت
على دمعه وداع
وعلى ضمة ضياع
وعلى احراق القناع
اللي يشوهنا
قتلنا الحب بيدينا
ودفنا روحه بصدر الحنين
اللي ينادينا
وبلحظة صمت
وسكوت العالم المزعج
هدى صوت البكاء
اللي كان مشقينا
،،
وهمست باذنه
وصبيت الحكي بشويش:
أبتسم لي يازماني
أبتسم لحظه عشاني
ماكفاك اللي حصل
لي في ثواني
فراق أحباب
وجرح أهداب
وليل كل وصفه
عذاب في عذاب
وتركت لنا الاماني
"اغراب"
بعد حب وعشق كنا
خطاوي تايهه صرنا
نعاتب من يكلمنا
ونقول أن الزمن غدار
زمن ناوي يهد الدار
زمن طول يشب النار
ويحرق حلمنا والشوق
ويغلغل عشقنا في طوق
ويجمع دمعنا في الموق
،
تعبنا يازمن نعطيك
قلي يازمن وشو
على بالك ووش يرضيك
صرت أرجيك،،
بعد ماكنت لك "ق ل ب ك"
صرت أرجيك
حسافه يازمن برحل
وأخلي دربك الموحش
يضم اللي بقى مني
ومن حبي
ومن صدق الوفاء
اللي مات
والسبه غرورك
حسافه يازمن بضحك
بعد حزنك
بشوف النور
بعيون غيري وأضمه
لأن عيني بعد ظلمك
بعيد النور يوصلها
حسافه يازمن لأنك
تركت القلب يستسلم
ويختار الطريق الصعب
ويعيش الحرب
والسبه غرورك
حسافه يازمن سلم
على عشاقك اللي مايعرفونك
مثل ماأنا عرفتك،،
حسافه يازمن
"
"
"خنتــــــــك"

..
مخــرجـْ/
سجنتي ق ل ب ك لحرفه
وخان الحرف في سجنك
عسى يرضيك يا أنثى
خيانة قلب لأحبابه

..
عبدالله الحمد

..

ساعد في نشر والارتقاء بنا عبر مشاركة رأيك في الفيس بوك

اقتباس