ياخويي جعل رحلتك مامونه
وش عطتك أم العنا من تجاربها
والله أني معك والنفس مفتونه
فتنتن مانته بعارف سبايبها
دق في صدري هواجيس مجنونه
ياوجودي يوم هبت هبايبها
مير خل الجيب يامشي على هونه
أتفرج فالديار ومضاربها
زين بعد العصر لفت دركسونه
لديار اللي وساعن مناكبها
والمسأ في جال وادن تحبونه
علته غر المزون بسحايبها
زاف عشبه والشجر مالت أغصونه
تلعب أطيوره وقلبي يلاعبها

له سنه وأهل الدبش مايطبونه
ماتوطته النعيم بتوالبها

خاطري مرتاح والنفس مامنونه

ماتعاتبني أهمومي وأعاتبها

ودني ضلعن تولعت بركونه
والذيابه فيه تلقا ملاعبها

أستهيض وتنطلق كل مسجونه

وحاضر الابيات ناداء لغايبها

أتسلا والمقادير مضمونه
ماكتب لروح لبد صايبها

قصيده لشاعرالكبير فيصل الرياحي رحمه الله
ساعد في نشر والارتقاء بنا عبر مشاركة رأيك في الفيس بوك

الله عليك رااااااااااائعه
وشكرا لك على هذا النقل الجميل

ورحم الله من قالها واسكنه فسيح جنانه

كل الود

كنت هنا

محمد مهيدات

يعطيك العافية اخوي جفين

اختيار جميل

يدل على سمو ذائقتك

ومن روائع المرحوم

فيصل الرياحي


مودتي لك وتقديري

اخوك
علي الحزمي

صح لسسسسآن الشآعر

وتسسلم يمينك ع النقل

ابدعت

سلمت يداااااك
امتناني وتقديري لطرحك
واحتراااامي لشخصك الراقي
ذكرى الغالي

أجدت الإنتقاء شكراً ملء السماء

اخوي جفين استمتعت بقراءه ماطرحت ...

دمت بخير

مشاعر هيمو