هذي رسالة ولا ادري كيف أوصلها
..... لو أن بيض الورق ما تشتهي بوحي

يا حزني اللي وقف في عيني الولهى
..... ويا شعري اللي غدا من غير مصلوحي!!



بي صرخةٍ من يقدّيني على أولها
..... وأفجّ صدري مدى واسمّع جروحي



يا من بروحي يقيم ويسرح ويلهى
..... إحتجت لك ألف مره وأنت ما توحي



إلى متى دمعتي تجري مسايلها
..... وإلى متى طيف وجهك يقطع شبوحي



جرحي خنق عبرتي لو هو مبللها
..... واليوم هذا هدمت الصمت وصروحي



تعبت وأنا أحاول و آتجاهلها
..... وأنا على نيّتي وأساير جموحي



ياصبر صبري على تالي مهازلها
...... جروحي اللي بقت لي واشتهت نوحي



أكتب بعز الحزن والناس يشغلها
...... وشلون شعْري كذا بيّن ومفضوحي!!



يا سالفة حزني اللي هذي أولها

...... ما عاد عندي كلام ولا أبي بوحي





لمست الاحساس
اتمنى ان ترتقي لسمو ذائقتكم

ساعد في نشر والارتقاء بنا عبر مشاركة رأيك في الفيس بوك

قصيدة جميله
صح السان شاعرها
وسلمت يمناك على نقلها

فعلاً لامست الإحسااس ، أبيات جميله

شكراً لذائقتك ، احترامي .

الغالي عقاب النهار

كلمات روعة وأحساسك وذوقك ماأروعه

صح لسان قايلها ولايهون ناقلها

مودتي

سلمت يداك وذوقك الراقي
تقديري واحتراااامي
لشخصك وطرحك
ذكرى الغالي

الأخ العزيز والشاعر الراقي
عقاب النهار
شكرا لك على القصيدة الجميلة
حضورك رائع ودائما بأرقى مشاعرك الطيبة
دام خاطرك وقلمك الذي كتب بأحساس
دمت بخير يا عزيزي
مشكور

مبدع في كل حالاتك ياعقاب

دمت بالف خير